«Салымшылардың жалпы саны 1300-ден аса адам, қаржы пирамидасынан келген шығын анықталып жатыр», — деді ҚМА баспасөз қызметі өкілдері.
«Innova Gold» өз ісін алтын құймалар, құрамында алтыны бар косметикалық заттар сататын интернет-дүкен ретінде жүргізген. Бұл істі ұйымдастырушылар халықты күмәнді жобаның салымшысы болуға үгіттеп, артынан адам ертіп келсе, бонустар береміз деп сендіріп отырған.
Аталған дүкеннің сайтында ақша сомасы көрсетілгенімен, салымшылар құйған ақшасын қайта шығарып ала алмай қалған. Қазіргі таңда ұйымдастырушыға қатысты 2 айға дейін қамауға алу түріндегі бұлтартпау шарасы тағайындалды.
Егер сіз немесе туыстарыңыз «Innova Gold» қызметінен зардап шексе, агенттіктің сенім телефонына немесе аумақтық департаменттерге хабарласуларыңызға болады.
