Ерекше образдар учаскеге келген тұрғындарға көтеріңкі көңіл күй сыйлап, көпшіліктің қызығушылығын тудырды. Әсіресе балалар мен жастар сүйікті мультфильм кейіпкерлерімен суретке түсіп, естелік фотосуреттер жасады.
Креативті бейнеде келген азаматтар дауыс беру рәсіміне қатысып, өз таңдауларын жасады. Олардың бастамасы учаскедегі атмосфераны жандандырып, референдум күніне ерекше мерекелік реңк қосты.
Айта кетейік, референдум күні Іле ауданындағы бірқатар учаскелерде түрлі әлеуметтік және мәдени бастамалар ұйымдастырылып, тұрғындардың белсенділігі жоғары болды. Ал «Зверополис» кейіпкерлерінің бейнесінде келген сайлаушылардың бұл қадамы күннің есте қаларлық жарқын сәттерінің біріне айналды.
