2024 жылғы Париж Олимпиадасында Жадраев қазақстандық күрес тарихында айрықша нәтиже көрсетті. Ол іріктеу кезеңдерінен сенімді өтіп, бірқатар мықты қарсыластарын, соның ішінде Қырғызстанның екі дүркін әлем чемпионын жеңді. Финалда жапониялық балуан Нао Кусакемен кездесіп, 5:2 есебімен күміс жүлдеге ие болды. Бұл нәтиже Қазақстан құрамасының Париж Олимпиадасындағы ең ірі жетістіктерінің бірі болды.
Спортшы дауыс бергеннен кейін тұрғындарды белсенді азаматтық ұстаным танытуға шақырды.
«Күрес үлкен күшті, төзімділікті және мінезді талап етеді. Бүгін әр азамат елдің болашағы үшін өз таңдауын жасайды. Мен де өз азаматтық міндетімді орындадым», – деді Демеу Жадраев.
Айта кетейік, спорттық мансабы барысында Демеу Жадраев Олимпиада жүлдесінен бөлек, әлем және Азия чемпионаттарының медальдарын жеңіп алып, өз салмағында әлемдегі ең мықты балуандардың бірі екенін дәлелдеді. Оның Олимпиада тұғырына апарар жолы әлемнің үздік спортшыларымен өткен тартысты белдесулерге толы.
Республикалық референдум – әр азамат мемлекеттің болашағына қатысты өз пікірін білдіретін маңызды саяси науқан. Мұндай шараға спорт қауымдастығының көшбасшыларының қатысуы тәртіп, мақсатқа ұмтылу және жауапкершілік секілді қасиеттердің тек спортта ғана емес, қоғам өмірінде де маңызды екенін көрсетеді.
