Аталған тізімге Қазақстаннан жалғыз клуб ретінде алматылық «Қайрат» енді. Команда 90,75 ұпай жинап, 240-орынға тұрақтаған.
IFFHS рейтингі клубтардың соңғы 12 ай ішіндегі ұлттық чемпионаттарда, кубоктық жарыстарда және халықаралық турнирлердегі нәтижелері негізінде қалыптастырылады. Бағалау барысында командалардың тұрақтылығы мен бәсекелік деңгейі ескеріледі.
Жаңартылған тізімге Еуропа, Латын Америкасы, Азия және Африка елдерінің жетекші клубтары енген. Ал «Қайрат» Шығыс Еуропа мен Орталық Азия өңірінен рейтингке іліккен санаулы командалардың бірі атанды.
Рейтинг көшін Францияның «Пари Сен-Жермен» клубы бастаса, екінші орынға Испанияның «Реал Мадриді» жайғасты. Ал үздік үштікті Англияның «Челси» командасы түйіндеді.
