«Жақында үйде боламыз. Ұлттық құрамамызды қолдау үшін 10 қыркүйекте футболда кездесеміз», — деп жазды Головкин Instagram-парақшасында.
Қазақстан мен Солтүстік Ирландия құрамаларының ойыны 10 қыркүйек күні елордадағы «Астана-Арена» стадионында өтеді. Басталуы – сағат 19.00-де.
Еске салайық, кеше 2024 жылғы Еуропа чемпионатына іріктеу кезеңі аясында «Астана-Аренада» Қазақстан Финляндиямен кездесіп, 0:1 есебімен жеңіліп қалды.
5 турдан кейін Н тобының турнирлік кестесі келесідей қалыптасып отыр: Финляндия — 12 ұпай, Дания — 10 ұпай, Словения — 10 ұпай, Қазақстан — 9 ұпай, Солтүстік Ирландия — 3 ұпай, Сан-Марино — 0 ұпай.
