2022 жылғы желтоқсанда өткен жылдың ұқсас кезеңімен салыстырғанда ет елімізде 16,6%-ға қымбаттады.
Өнім ең қатты қымбаттаған өңір Маңғыстау облысы: бір жылда – 22,6%. Одан кейін Павлодар (21,7 %) және Солтүстік Қазақстан (21,5%) облыстары тұр.
Ұлытау облысында баға өсімі бар-жоғы – 9,7 %.
Ет пен құс еті жылдық динамикада – 15,4%, шұжық өнімдері – 22,2% ет өнімдері – 15,9%-ға қымбаттады.
Ет өнімдерінің ішінде құс еті – 29,4%-ға, жылқы еті – 16,7%-ға, шошқа еті – 14,3%, қой еті – 12,9%, сиыр еті 10,1%-ға өсті.
Шұжық өнімдерінің ішінде пісірілген шұжық – 23,6-ға, жартылай ысталған шұжық 22,2%-ға артты.
Былтыр 1 желтоқсанда Қазақстанда ешкіні (бір жылда 0,9%-ға азайып, 2,3 млн болды) және шошқаны (бір жылда 10%-ға кеміп, 812,5 мың болды) санамағанда негізгі мал басы көбейді.
Жылқы саны бір жылда 3,7 млн басқа (плюс 12,1%), түйе 260,5 мың басқа (8,6%), ірі қара 8,5 млн бас (5,2%), қой 19,6 млн басқа (4,4%), құс 50,8 млн (1,1%) басқа жетті.
