«Өзіміз өсірген алқаптағы алманы 200 теңгеге тапсыра алмай отырмыз. Ал үйіміздің жанындағы дүкендерде 800 теңгеден сатылады. Осы өнімдерімізді сатуға қолдаушы болса жақсы болар еді», — деді диқандар.
ҚР Премьер-Министрінің орынбасары диқандар бағаны тұрақты ұстауға келіссе қаражат жағынан көмек көрсетілетінін айтты.
«Егер Алматыда сақтайтын қоймаңыз болса, қыс айларында дейін сақтаңыз. Біз сол кезде тұрақты бағаға сатып алайық. Бізге алма да қажет. Әсіресе қыс, көктем айларында. Бірақ, бізге тұрақты баға керек. Алма — әлеуметтік маңызы бар азық-түлік қатарына кірмейді. Бірақ біз оған қарап жатқан жоқпыз», — деді Серік Жұманғарин.
Ал облыстық әкімдік тарапынан Алматы базарларынан сауда нүктелерін беру туралы келісімшарт жасалған. Аймақ басшысы Марат Сұлтанғазиев сондай сауда несиелерінің біразы Еңбекшіқазақ диқандарына да берілетінін айтты.
