«Тәуелсіздік алған кезден бастап саладағы өзгерістерді байқап отырмыз. Біз халық арасында салауатты өмір салтын ұстауға мән беріп келеміз. Әр өңірде алғашқы медициналық-санитариялық көмекті енгіздік. Ауылды жердегі медициналық қызметті жаңарту көрсеткішін 56%-ға жеткіздік. Былтыр шалғай аудандарда арнайы орталықтар құрдық. Біз әрбір медициналық қызметкерге жағдай жасауға ұмтыламыз», — деді Үкімет басшысы.
Премьер-Министр жыл сайын дәрігерлердің айлығы 30%-ға дейін, медициналық персоналдың айлығы 25%-ға дейін өсіп келе жатқанын атап өтті.
«Біз әр азамат денсаулығы жөнінде қажетті ақпарат алу үшін электронды паспорт енгіздік. Кардио және нейрохирургиялық орталық сияқты жетекші технологияларды игердік. Келесі жылы протонды терапияға негізделген жаңа Ұлттық онкологиялық орталық ашуды жоспарлап отырмыз. Біз қолда бар ақпаратымызды, білім мен ұсынымдарды бөлісуге дайынбыз», — деді Әлихан Смайылов.
Аталған конференция барысында ДДҰ басшысы Газа секторындағы жағдайға алаңдайтынын білдірді.
