«ҚазАвтоЖол» ҰК АҚ 29 желтоқсан сағат 18:00-де Шығыс Қазақстан облысында ауа райының бұзылуына байланысты «Алматы-Өскемен» автожолының 1013-1048 шақырым аралығында (Абай облысының шекарасынан Ұлан ауылына дейін) автокөліктің барлық түрінің қозғалысына шектеу қойылғанын, жол 30 желтоқсан күні сағат 05:00-те ашылатынын хабарлады.
Сондай-ақ, Абай облысында, яғни «Алматы-Өскемен» автожолының 971-1013 шақырым аралығында (Қалбатау-Шығыс Қазақстан облысының шекарасына дейін) көліктің қозғалысы шектелген.
Үшінші облыс — Қызылорда облысы, «Самара-Шымкент» автожолының 1570-1911 шақырым аралығында (Төретам-Бәйгеқұм) жол жүруге тыйым салынды. 30 желтоқсан сағат 01:00-де жолды ашу жоспарланған.
