«Әлемдік білім беру стандарттары мен озық практиканы білім беру процесіне енгізу үшін шетелдік жоғары оқу орындарының филиалдары ашылып жатыр. 2021 жылы De Montfort Leicester университетінің филиалы жұмысын бастаған. University of Arizona филиалы Петропавл қаласында ашылады. ЖОО-мен ынтымақтастық шеңберінде қос дипломды білім беру бағдарламалары іске қосылады», — деді Саясат Нұрбек.
Министр Мемлекет басшысының тапсырмасын орындау үшін Ресей университеттерінің филиалдары ашылып жатқанын айтты.
С. Өтебаев атындағы Атырау Мұнай және газ университетінің базасында М. Губкин атындағы РМУ филиалы жұмыс істейді. Алматы қаласында әл-Фараби атындағы ҚазҰУ базасында «МИФИ» Ұлттық ядролық зерттеу университетінің филиалы ашылады. Сондай-ақ 2023 жылы Нұр-Сұлтан қаласында Michigan State University филиалын ашу жоспарланды.
«Филиалдардың жұмыс істеуі үшін Үкімет қаулылары қабылданды. Мемлекеттік білім беру тапсырысы бөлінген», — деді министр.
