«Қазгидромет» РМК хабарлауынша, алдағы үш тәулікте еліміздің басым бөлігі жоғары атмосфералық қысым өрісінің ықпалында болады.
«Тек еліміздің оңтүстігінде, оңтүстік-шығысында қар жауып, тұман түседі. Оңтүстікте көктайғақ болады», – деп хабарлады «Қазгидромет» РМК.
6 желтоқсанда түнде Қарағандыда, 7-8 желтоқсанда Шығыс Қазақстан облыстарында 35 градусқа дейін аяз болады.
