Бюро мәліметіне сәйкес, 2024 жылы ұл балаларға қойылған есімдер арасында көшбасшы орынға Мұхаммед есімі шықты. Бұл есім рейтингте 2014 жылдан бері бірінші орында болған Алихандыалмастырды. Сондай-ақ, бұған дейін танымал есімдер қатарында болған Нұрислам 2024 жылы топ-10 тізімінен шығып қалды.
2024 жылы ұлдарға ең жиі қойылған есімдер:
- Мұхаммед – 3633 бала;
- Айсұлтан – 2862;
- Алихан – 2719;
- Мухаммад – 2712;
- Омар – 2484;
- Алдияр – 2295;
- Амир – 2266;
- Алан – 2259;
- Али – 1912;
- Хамза – 1857.
Қыздар арасында да өзгерістер байқалады. Мариям есімі алғаш рет танымал есімдер тізімінің топ-10 қатарына еніп, Амина есімін ығыстырды. Ал рейтингтің бірінші орнын әдеттегідей Айлин есімі сақтап қалды.
2024 жылы қыздарға ең жиі қойылған есімдер:
- Айлин – 5578 бала;
- Медина – 5417;
- Асылым – 5020;
- Айша – 4493;
- Томирис – 3369;
- Аяла – 2986;
- Айым – 2875;
- Мариям – 2794;
- Раяна – 2782;
- Сафия – 2775.
Қазақстан халқының саны өсуде
1 желтоқсан 2024 жылғы мәліметке сәйкес, Қазақстанда халық саны 20 265 320 адамды құрады. Жыл басынан бері халық саны 231 478 адамға артқан. Оның ішінде табиғи өсім 217 133 адамды құраса, миграция сальдосы 14 345 адамға тең болды.
