Сондай-ақ, баламен жұмыс істеуге тыйым салынған, жүргізуші куәлігінің мерзімі өтіп кеткен. Кейбір автобустар рейс алдында техникалық тексеру жасамаған, ал жүргізушілер – медициналық куәландырудан өтпеген.
«Жалпы, автобус паркінің жай-күйі, олардың материалдық-техникалық жабдықталуы «Балаларды тасымалдау» тақтайшаларының болмауы және т.б. жағдайлар қауіпсіздік талаптарына сәйкес келмейді», — деп хабарлады Қазақстан Республикасының Бас прокуратурасы
Айта кету керек, биылғы жылы 28 сәуірде Бас прокуратура Білім және ғылым министрлігінің атына прокурорлық қадағалау актісін енгізді, нәтижесінде заңды бұзған 93 адам тәртіптік жауапкершілікке тартылды.
Балаларды тасымалдау үшін автопаркты жаңарту және өңір мектептерін автобустармен қамтамасыз ету жұмыстары басталды. Әкімдіктер 515 жаңа автобусты алуды жоспарлап отыр.
Сонымен қатар, Оқу-ағарту министрлігі қазіргі уақытта Ішкі істер министрлігімен бірлесіп тасымалдаудың қауіпсіз жағдайларын, оқушылар құқықтарының сақталуын қадағалауда.
