Алматы облысында жол жиегінен шыққан көлік, тұрғын үйдің үстіне құлады,деп хабарлайды Alataunews.kz
Өңірлік Полиция департаментінің мәліметінше, оқиға 24 мамырға қараған түні Іле ауданының Боралдай ауылы, Аэродромная көшесінде орын алған.
«29 жастағы жергілікті тұрғын BMW X5 көлігін айдаған рөлге ие бола алмай, жолдан шығып, жер үйдің шатырына құлаған. Үйдің шатыры, газ, жарық бағаналары бүлінген», – делінген хабарламада.
Апаттан дене жарақатын алған жүргізуші, ауруханаға жатудан бас тартты. Одан бөлек зардап шеккендер жоқ.
Полиция өкілінің берген ақпараты бойынша, кұлаған үйдің иесіне келтірілген шығын көлемі есептеліп жатыр. Көлік тізгіндеген жігіт әкімшілік жауапкершілікке тартылады.
