Қазақстандық теннисші, әлемнің 213-ракеткасы Бейбіт Жукаев Алматы ATP 250 турнирінің ширек финалына жолдама алды, деп хабарлайды Alataunews.kz.
24 жастағы Жукаев екінші айналымда әлемнің 25-ракеткасы, чехиялық Томаш Махачты жеңді. Бірінші сетте Бейбіт 3:1 есебімен алда болғанда, Махач өзін жайсыз сезініп, матчты жалғастырудан бас тартты.
Жартылай финалға шығу үшін Жукаев ресейлік Карен Хачанов (әлемнің 26-ракеткасы) немесе финляндиялық Отто Виртаненмен (116-орын) кездеседі.