Марат Ахметжановтың айтуынша, Оқу-ағарту министрлігінің мәліметіне сәйкес еліміздегі барлық мектептерде бақылау камералары орнатылған. Алайда, тексеріс нәтижесінде көп елді мекендердегі бейнематериалдарды сақтау мерзімі 30 тәулікке дейін жетпейтіндігі белгілі болған.
«Бекітілген талап бойынша, әр мектепте турникеттер болу керек. Алайда тексеріс барысында бұл талаптың көп мектепте орындалмағаны белгілі болды. Түркістан өңіріндегі 34 мектептің біреуінде ғана турникет орнатылған. Орал қаласында 56 мектептің 8-інде, Алматыда 270 мектептің 28-інде ғана турникет бар», – деді министр.
Сондай-ақ еліміздегі елді мекендердегі мектептерде күзет жоқ екені белгілі болған. Мәселен, Түркістанда бір мектептен басқасында күзет жоқ. Министр Марат Ахметжанов Оқу-ағарту министрлігіне мектептегі балалар қауіпсіздігін тиімді жүйемен қамтамасыз етуді сұрады.
