Денсаулық сақтау министрлігінің басшысы медицина қызметкерлерін ынталандыру мақсатында 2020 жылдан бастап жыл сайын жалақыны көтеру шаралары қолға алынып жатқанын айтты. Оның сөзінше, 2023 жылға қарай дәрігерлердің жалақысы экономикадағы орташа жалақыдан екі есе көп болуы керек.
«2022 жылы дәрігерлердің орташа жалақысы 421 мың теңгеге дейін өсті, ал орташа медицина қызметкерінің жалақысы шамамен 235 мың теңге болды», — деді Ажар Ғиният.
Сонымен қатар ол міндетті әлеуметтік медициналық сақтандыру шеңберінде халыққа қымбат тұратын медициналық қызметтердің қолжетімділігі артқанын айтты.
«Қазіргі уақытта 886 мыңға жуық қымбат медициналық қызмет көрсетілді», — деді Ажар Ғиният.
