Бұл туралы Үкімет отырысында Премьер-Министр Әлихан Смайылов айтты.
«Тағы бір маңызды мәселе – жанар-жағармай материалдарына қатысты жағдай. Кейбір өңірлерде дизельдік отын бойынша проблема туындап отыр. Бұл азаматтарымыздың наразылығын тудырып жатыр. Энергетика министрлігі отандық нарықта жанар-жағармай тапшылығын болдырмау үшін барлық шараны уақытылы қабылдауы тиіс. Жанармай құю станцияларының иелерімен тиісті жұмыс жүргізу қажет. Азаматтарымыз бен ауыл шаруашылық саласы зардап шекпеуі керек», – деді Премьер-Министр.
