8 маусым күні Талдықорған қаласындағы облыстық ауруханаға атыс қаруынан жарақат алған 1988 жылы және 1991 жылы туған науқастар түсті. Ауруханаға түскен кезде жағдайлары орташа ауырлықта болды. Атыс қаруынан атылған оқ екі науқастың да кеуде тұсын жарақаттаған. Ішкі кеуде қуысын зақымдамаған. Олар бір тәулік бойы дәрігерлер бақылауында болды. 9 маусым күні екі пациент тұрғылықты жері бойынша амбулаториялық ем қабылдауға жіберілді, — деп хабарлайды денсаулық сақтау басқармасының баспасөз қызметі.
Айта кету керек, қылмыскер осыған дейін де үш рет істі болған. Аталған факт бойынша қажетті сараптамалар тағайындалды. Тергеу ҚР ҚК 24 — бабына сәйкес яғни, «адам өлтіруге оқталу» бойынша жүргізілуде.
Заңғар ДҮЗГЕНБЕКОВ
