Астанаға Өзбекстан, Қырғызстан және Тәжікстан президенттері келе жатыр, деп хабарлайды alataunews.kz.
Шавкат Мирзиеев, Садыр Жапаров, Эмомали Рахмон «Орталық Азия + Германия» форматындағы саммитке қатысады. Оның аясында стратегиялық ынтымақтастық пен серіктестік мәселелерін талқылау жоспарланып отыр. Соның ішінде сауда-экономикалық өзара іс-қимыл және бірлескен инвестициялық жобаларды жүзеге асыру да бар.
Орталық Азия елдері делегацияларының басшылары сапар барысында Германияның бизнес-қоғамдастығымен де кездесуге қатысады. Айта кетейік, Астанадағы «Мәңгілік ел» маңында Қырғызстан, Өзбекстан, Тәжікстан және Түрікменстанның тулары ілінген.
