Apple корпорациясы iPhone 16 сериялы смартфондарын таныстырды, деп хабарлайды alataunews.kz.
Компания iPhone 16 сериясының бірнеше моделін, атап айтқанда iPhone 16 Plus, iPhone 16 Pro және iPhone 16 Pro Max-ты жария етті. Тұсаукесер Apple-дің ресми сайтында өтті. Жаңа iPhone 16 Pro сериясы алдыңғы нұсқалардан үлкенірек әрі жылдамырақ. Бұл құрылғылар Apple Intelligence үшін арнайы жасалған және жасанды интеллект қолдауы бар жаңа A18 процессорымен жабдықталған. A18 процессоры алдыңғы iPhone 15 модельдеріндегі A16 чипіне қарағанда 40%-ға жылдамырақ.
«Apple-дің ақылды мүмкіндіктері Siri-дің жаңа дәуірін ашып, тілді тереңірек түсініп, оны табиғи және контекстік жағынан маңызды етеді,» — деді Apple компаниясының бағдарламалық қамтамасыз ету инженериясының аға вице-президенті Крейг Федериги.
Федеригидің айтуынша, Siri енді пайдаланушылардың мәтіндік хабарламаларынан ақпарат алып, достарыңыз жіберген теледидар мен музыка ұсыныстарын есте сақтай алады.
Жаңа смартфондар жаңартылған дизайнымен ерекшеленеді. Камера линзаларының орналасуы өзгертіліп, дисплейі алдыңғы үлгілерден 50%-ға беріктендірілген, ал максималды жарықтығы 2000 нитке дейін арттырылған.
iPhone 16 Pro модельдері экран көлемі 0,2 дюймге үлкейген.
Apple компаниясы iPhone 16 бағасы 799 доллардан, ал iPhone 16 Plus 899 доллардан басталатынын хабарлады.
