ҚР Сыбайлас жемқорлыққа қарсы іс-қимыл жөніндегі агенттік Мырзахметовтің ісі бойынша мемлекетке қосымша 7 млрд теңге қайтарды, деп хабарлайды alataunews.kz.
«Қазіргі уақытта «Атамекен» Ұлттық кәсіпкерлер палатасының бұрынғы төрағасы А.И. Мырзахметовке қатысты сотқа дейінгі тергеу аясында мемлекет қазынасына 7 миллиард теңге көлемінде заңсыз алынған қаржы қайтарылды. 2024 жылдың басынан бері Сыбайлас жемқорлыққа қарсы қызмет аяқталған қылмыстық істер бойынша шамамен 195 миллиард теңгені өтелді. Соңғы 2,5 жыл ішінде, оның ішінде олигополиялардан Қазақстан халқына 1,09 триллион теңге қайтарылды. Бұл бағыттағы жұмыс жалғасуда және Агенттік ерекше бақылауында», – делінген Антикор 21 қыркүйекте таратқан хабарламасында.
