24 қараша жексенбіде Түркияда ресейлік «Азимут»авиакомпаниясының Sukhoi Superjet 100 жолаушылар ұшағы қонғаннан кейін бірден өртенді. Рейс Сочиден келді, деп хабарлайды alataunews.kz.
Куәгерлердің айтуынша, алдымен ұшақтың қозғалтқышты өртенген, содан кейін жалын одан әрі тарады.
Қазір өрт сөндірілді, барлық жолаушылар мен экипаж мүшелері үрлемелі пандустармен уақытында эвакуацияланды, құрбандар мен зардап шеккендер жоқ.
Mash Telegram Channel қонған кезде борттың ұшу-қону жолағын сол қанатымен соғуы мүмкін деп жазады.
Әуе компаниясының мәліметінше, Superjet ауа-райының қолайсыздығынан қатты қонып кейін өртке оранған.
Болған оқиға бойынша тергеу жүргізіліп жатыр. Авиакомпания кері рейсті жіберу үшін резервтік бортты дайындайды.
