Алматы облысындағы көмек қабылдау пункті Қонаев қаласы, 1 шағын ауданы, 13 мекенжайында орналасқан, деп хабарлайды AMANAT партиясының баспасөз қызметі.
Сондай-ақ, партиялықтар мен «Жастар Рухы» жастар қанатының мүшелерінен еріктілер құрылды, олар Қостанай облысына қалпына келтіру жұмыстарына қатысу үшін барады.
Қостанай облысының Қазанбасы ауылынан 20 шақырым жерде жұма күні орман алқабы өртене бастады. Өртті сөндіру желдің екпіні мен қатты ыстығына («Қазгидромет» РМК деректері бойынша, жел 10-12 м/с дейін, сыртқы ауа температурасы +36 градус), өсімдіктердің тығыз болуынан және кірме жолдардың жоқтығынан қиынға соққан.
ТЖМ мәліметінше, өрт аумағы 3 мың гектардан асып, 108 тұрғын үй мен құрылыс өртеніп, 10 адам жеңіл күйік, жарақат алып және уланған. Бірнеше ауылдың тұрғындары қауіпсіз жерлерге көшірілді.
