19 қаңтарда Алматыда дәстүрге сай, «Крещение» мерекесі өтеді. Бұл күннің басты салты – мұзды суға түсу. Шұңқырдағы суға қалай және ең бастысы қауіпсіз түсу керектігі туралы Өңірлік коммуникациялар қызметінде өткен брифингте айтылды.
Алматы қаласы Төтенше жағдайлар департаменті Азаматтық қорғаныс басқармасы басшысының орынбасары Әнуар Юсупов белгіленбеген жерлерде суға түсуге, жарықтар мен ойықтар болса, мұзға шығуға қатаң тыйым салынғанын айтты. Рәсімге дейін алкогольді ішімдік ішуге тыйым салынады. Сондай-ақ созылмалы аурулары бар немесе суық суға түсуге қарсы көрсетілімдері бар адамдар үшін ойыққа түсуге болмайды.
«Алматы қаласының ТЖД жергілікті атқарушы органдармен және Алматы епархиясымен бірлесе отырып, мейрам қарсаңында 9 шомылу орнын белгіледі, онда купельдер жабдықталып, орнатылады. Төтенше жағдайларды болдырмау үшін осы мақсаттарға арналмаған орындарда өз бетінше суға түспеуге шақырамыз. Ашық жерде жабдықталған купель жанында 3 адамнан артық болмауы керек. Шомылу алдында жүгіріп, денені қыздырып, жылытып алу керек. Дәрігерлер мен құтқарушылар тұрған жерде суға түсу керек», — деді Әнуар Юсупов.
Шомылғаннан кейін денені түкті сүлгімен сүртіп, жылы киім киіп, шай ішу керек. Жылы суда ұзақ уақыт отырғанда, дене құрысып, үсік шалу мүмкін. Суық суға бірден сүңгігенде, жүрек соғысы нашарлауы мүмкін.
Суға түсуге рұқсат етілген барлық 9 аумақта құтқарушылардың, полиция қызметкерлерінің, республикалық жедел-құтқару жасағының, Апаттар медицинасы және қала медицина қызметкерлерінің орталығы тәулік бойы кезекшілігі ұйымдастырылады.
Барлық басқа су қоймалары мен тау өзендеріне шомылуға тыйым салынады. Таулы өзендерге жақындау өте қауіпті екенін есте ұстаған жөн. Ал өзендердің ағысы өте күшті, сондықтан өзін нашар сезінген адамды алып кетуі мүмкін.
Брифингке, сонымен қатар, Протоиерей, Қазақстан православие шіркеуінің қоғаммен байланыс бөлімінің басшысы Александр Суворов қатысып, суға түсуге рұқсат етілген орындарды атады:
- «Алматы қаласы, Приход Крестовоздвиженский храмы», Алматы қаласы, Алатау ауданы, Қарасу ықшам ауданы, Высоковольтная көшесі, 37 б үй.
- «Алматы қаласының Приход храма Христа Спасителя» жергілікті діни ұйымы, Алматы қаласы, Алатау ауданы, Райымбек даңғылы, 493 үй.
- «Қазақстанның Православ Шіркеуінің Астана және Алматы Епархиясының» аймақтық діни филиалы Свято-никольский собор, Алматы қаласы, Алмалы ауданы, Байтұрсынов көшесі, 56/6 үй.
- Алматы қаласы, «Богоявленский приход» жергілікті діни ұйымы, Алматы қаласы, Әуезов ауданы, Садовников көшесі, 196-үй.
- «Приход Успенского храма поселка Первомайский Астанайской и Алматинской Епархий» жергілікті діни ұйымы, Алматы қаласы, Жетісу ауданы, Центральная көшесі, 86-үй.
- Алматы қаласы Астана және Алматы Епархиясы «Приход храма великомученицы Параскевы» жергілікті православтық діни ұйымы, Алматы қаласы, Жетісу ауданы, Жансүгіров көшесі, 500 в үй.
- Астана және Алматы Епархиясының «Иверско-Серафимовский женский монастырь» жергілікті діни ұйымы, Алматы қаласы, Медеу ауданы, Хамиди көшесі, 30-үй.
- Алматы қаласы Астана және Алматы Епархиясы «Приход Благовещенского храма» жергілікті дәни ұйымы, Алматы қаласы, Медеу ауданы, Алатау ықшам ауданы, Ибрагимов көшесі, 13-үй.
- «Покровско-Всехсвятский приход» жергілікті діни ұйымы, Алматы қаласы, Түрксіб ауданы, Жас Пионерлер көшесі, 85-үй.
Барлық арнайы бөлінген шомылу орындарында шатырлар мен киім ауыстыратын бөлмелер (ерлер мен әйелдер) орнатылды. Арнайы қызметтермен мұнда бірге дін қызметкерлері де үздіксіз жұмыс істейді.
«Суға шомылу күнәлардан тазартпайды, өйткені бұл ежелгі тақуалық дәстүр. Оны әркім әрқалай қабылдайды және одан әркім өзі алғысы келген жемісін көреді», — деді Александр Суворов
