Қыздар жеке коттедж немесе қарапайым үй секілді көрінген ғимаратта клиенттеріне интимдік қызмет көрсеткен.
«Осы рейдтің нәтижесінде 40 адам ұсталды. Олардың әрқайсысының жеке басы кез келген қылмысқа немесе құқық бұзушылыққа қатысы бар-жоғы тексерілді. Оларға ӘҚбК-нің 449 және 492-бабына сәйкес әкімшілік шаралар қолданылды. Ал жезөкшелікпен айналысуға үй-жай ұсынғаны үшін мекеме қожайындары ӘҚбК-нің 450-бабы бойынша жауапқа тартылды», — деп мәлімдеді Медеу аудандық Полиция басқармасының бастығы Дәурен Өтебаев.
