«Тәулік бойы 20 оператор бейне қоңырау, аудио немесе SMS-хабарламаларды қабылдайды. Қабылданған шаралар өтініш авторларына белгіленген мерзімде хабарланады», — деді Ержан Ұзабаев.
Ол сондай-ақ алматылықтардың белсенділік танытып, заң пен тәртіпті қамтамасыз етуде үлестерін қосып жатқанын айтты.
«Жыл басынан бері «102» қосымшасы арқылы азаматтардан 500-ге жуық хабарлама түсті. Ең жиі кездесетіні – түкірген адамдар туралы. Осы уақытқа дейін аталған құқықбұзушылық бойынша 5 613 адам әкімшілік жауапқа тартылды», – деді Алматы қалалық ПД Жергілікті полиция қызметі басқармасының бастығы Ержан Ұзабаев.
Спикердің айтуынша, биылғы жылдың 7 айында қаланы абаттандыру ережелерін бұзудың 17 152 дерегі, қоғамдық орында алкогольдік ішімдіктерді ішудің 11 481 дерегі, тыныштықты бұзудың 5 494 дерегі, темекі шегуге тыйым салуды бұзудың 3 077 дерегі тірелді, сондай-ақ, 505 ұсақ қылмыс және т.б. анықталды.
Полициядан хабарлағандай, әкімшілік заңнамаға сәйкес қоғамдық орындарда, саябақтар мен алаңдарда белгілі бір әрекеттер заңмен шектеледі және жауапкершілікке әкеледі. Мысалы, ҚР ӘҚбК-нің 434-2-бабының талаптарына сәйкес, қоғамдық орындарды ластауға тыйым салынады.
«Түкіру қоғамдық орындарды ластайды, сондықтан бұл әрекет құқық бұзушылықтың белгісіне жатады», — деп хабарлады қалалық полиция департаментінде.
