Полиция қызметкерлері тұрақты есірткі тасымалдаушылардың бірнеше мекенжайын анықтап, 1 келіден астам синтетикалық а-PVP есірткісін тапты.
«37 жастағы азамат үш мекенжайға белгі қою барысында ұсталды. Оралған есірткі заттары бірден тәркіленді. Сонымен қатар, күдіктінің Толстой көшесіндегі жалдамалы пәтері де тексерілді. Тінту кезінде ас үйдегі сөреден жасыл және ақ түсті ұнтақты заттың 40 данасы табылды. Сондай-ақ, қонақ бөлмесінде тағы 331-і болды. Сараптама оның синтетикалық есірткі екенін анықтады», – деді Алматы қалалық ПД Есірткі қылмысына қарсы күрес басқармасының бастығы Ерлан Әлмағамбетов.
Ұсталған азаматқа қатысы іс ҚР ҚК-нің 297-бабы 3-бөлігі бойынша қаралады. Ол уақытша ұстау изоляторына қамауға алынды. Күдікті есірткіні интернет арқылы алғанын айтып отыр. Нақтысын полицейлер анықтайтын болады.
