Өткен аптамен салыстырғанда Жетісу облысында аурудың өсу көрсеткіші 0,2 ден 0,3 ке дейін өскен (431 жағдайдан 660 жағдайға), ал Алматы облысында бұл апталық көрсеткіштер бір деңгейде болғанмен (0,2), сырқаттанғандар саны 476-дан 549-ға көбейген.
Алматы облысында 500 төсек-орын жұмылдырылған, 86 адам стационарлық емделуде, бір тәулік ішінде ауруханаға 20 адам түсті, 19 адам шығарылды.
Жетісу облысында 103 адам стационарлық емделуде, барлығы – 400 төсек-орын бар. ОРИТ-1 науқас жатыр (барлығы – 41 төсек).
Облыстық санитариялық-эпидемиологиялық бақылау департаментінің берген мәліметіне сүйенсек, Алматы облысы бойынша соңғы аптада КВИ-ның жоғары көрсеткіші мына аудандарда анықталған:
- Еңбекшіқазақ – 0,2% (71 жағдай),
- Іле – 0,2% (78 жағдай),
- Қарасай – 0,4% (133 жағдай),
- Райымбек – 0,7% (16 жағдай),
- Талғар – 0,2% (126 жағдай),
- Қонаев – 0,5% (30 жағдай).
Жоғары көрсеткіштер анықталған Жетісу облысының өңірлері:
- Ескелді – 0,3% (38 жағдай),
- Қаратал – 0,6% (125 жағдай),
- Талдықорған – 0,3% (300 жағдай).
Айта кету керек, жалпы екі облыста да ауырғандардың басым көпшілігі жұмыс істемейтіндер мен зейнеткерлер, 14 жасқа дейінгі балалар.
