Өңір бойынша жылу энергиясын есептеу құрылғылары жоқ тұтынушылар үшін жылумен жабдықтау қызметтерінің құнын қайта есептеу жұмысы аяқталды.
«Табиғи монополия субъектісі сыртқы ауаның нақты температурасын ескере отырып, жылу энергиясымен жабдықтау жөніндегі қызметтің құнын тікелей тұтынушыларға не тұтынушының орналасқан жерін анықтау мүмкін болмаған жағдайда, жылу энергиясымен жабдықтау жөніндегі қызметке ақы төлеу кезінде тарифті төмендету жолымен қайта есептеуді жүргізуге міндетті. Өткен маусымда жылумен жабдықтау саласында қызмет көрсететін табиғи монополиялар субъектілері есептеу құрылғылары жоқ тұтынушылар үшін ҚҚС-ты ескере отырып, Алматы облысы бойынша жалпы сомасы 9 284 560 теңге жылу энергиясы үшін төлемақыға қайта есептеу жүргізді», – деп жазылған хабарламада.
Айта кету керек, қаражатты қайтару жүйесі жаңа жылыту маусымында аванс ретінде немесе жыл соңына дейін дербес шотта көрсетіледі.
