Кадрда ер адамның жерде жатқан жануарды жол талғамайтын көлікпен әдейі басқаны көрінеді.
Облыстық полиция департаментінің мәліметінше, Междуреченск ауылының 38 жастағы тұрғыны көршілерімен жанжал кезінде көлікпен жылқыны аяусыз мыжыған. Ер адамның сөзінше, ол бақшасынан 20-ға жуық жайылып жүрген жылқыны шығаруға тырысқан.
«Бұл дерекке қатысты «Жануарларға қатыгездiк жасау» (ҚР ҚК-нің 316-бабы) дерегі бойынша қылмыстық іс қозғалды. Күдікті арнайы қолхатпен босатылды», – деді ведомствоның баспасөз қызметі.
Қылмыстық іс облыстық полиция басшылығының ерекше бақылауына алынды.
