Сондай-ақ өңірде жұмыс істеп тұрған барлық салаға қосымша қаражат бөлінбек. Бұл туралы экономика және бюджеттік басқару басқармасы ұсыныс білдірді.
Ресми мәліметке қарағанда, Алматы облысындағы басқармалардың шығындарын өтеуге қосымша 430,4 млн теңге қарастырылмақ.
Бұдан бөлек, жергілікті бюджет есебінен қамтамасыз етілетін ішкі істер органдары қызметкерлеріне лауазымдық жалақының 30% мөлшерінде үстемақы төлеу үшін 231,4 млн теңге (1775 қызметкерге 3 айға) қаражат бөлу жоспарланып отыр.
Және полиция департаментінің 617 қызметкеріне 759,5 млн теңге сомасында тұрғын үй төлемдері үлестірілмек.
Бұған дейін Қонаевқа көшіп келген мамандардың пәтер жалдауы үшін 225,5 млн теңге бөлінгені туралы ақпарат бергенбіз
