Қазгидрометтің болжамына қарағанда, еліміздің солтүстігі, шығысы және оңтүстік-шығысына циклон мен атмосфералық фронттар әсер етеді. Осыған байланысты аталған өңірлерде жаңбыр жауады, шығыста, оңтүстік-шығыста қалың жаңбыр жауып, найзағай ойнайды.
Түнде Алматы облысының таулы аудандарында нөсер болады (жаңбыр соңы қарға ауысады).
Қазақстан бойынша желдің күші — 15-23 м/с, еліміздің шығысы мен оңтүстік-шығысында желдің екпіні 23-28 м/с жетеді.
Күндіз Маңғыстау облысында шаңды дауыл соғады.
Елдің солтүстігінде, солтүстік-батысында – түнде және таңертең тұман болады. Күндіз Жамбыл облысының таулы аудандарында бұршақ жауады.
Қызылорда, Түркістан, Жетісу облыстарының басым бөлігінде, Абай облысының оңтүстігінде, шығысында, солтүстігінде, орталығында, Шығыс Қазақстан облысының солтүстік-шығысында, Атырау облысының батысында төтенше өрт қаупі, Қостанай облысының оңтүстігінде жоғарғы өрт қаупі сақталады.
Түнде Ақмола облысының солтүстік-батысында, СҚО-да, Қостанай, Батыс Қазақстан, Ақтөбе облыстарының солтүстігінде 1-2 градус үсік жүреді.
