Жалған таңбалары бар алкоголь өнімдерін шығарған цех әшкереленді. Тексеріс кезінде Іле ауданының тұрғыны ішімдіктерді дайындағанда еш санитарлық талаптарды орындамағаны белгілі болды.
Оқиға орнында есепке алу бақылау маркалары, алкоголь өнімі, спирт және алкоголь өнімдерін құюға және дайындауға арналған түрлі заттар табылды.
«Қызметкерлердің жедел іздестіру шаралары кезінде қолдан жасалған алу бақылау таңбалары бар суррогат алкоголь өнімдерін өндірген жасырын цехты жойды. Спирт және алкоголь өнімдерін құюға және дайындауға арналған түрлі заттар табылып, тәркіленді», — деді ведомствоның ресми өкілі Әлібек Әбділов.
Аталған дерек бойынша тергеу басталды. Заңға сәйкес өзге мәліметтер жарияланбайды.
