Жарысқа әлемнің 16 елінен және Азия контингентінен 300-ден астам спортшылар қатысып жатыр: Әзірбайжан, Катар, Кувейт, Греция, Иран, Пәкістан, Италия, Қытай, Тайпэй, Сауд Арабиясы Корольдігі, Таиланд, Ливан, Біріккен Араб Әмірліктері, Жапония, Өзбекстан, Қазақстан.
Байрақты бәсекенің үшінші күні Алматы облысының спортшысы Анита Нұрланова стенд ату спорт жарысынан жастар арасында Азия чемпионы атанып үлгерді.
Спорттық ату түрлерінен Қазақстан Федерациясының баспасөз мәліметіне сүйенсек, аталған чемпионаттың Алматы облысында өтуіне ҚР Мәдениет және спорт министрлігі, «Самұрық-Қазына» АҚ, «Sport Qory» қолдау қоры, ҚР Ұлттық Олимпиада комитеті, Алматы қаласы және Алматы облысы әкімдіктері, Алматы облысының дене шынықтыру және спорт басқармасы қолдау білдірген.
Елімізде коронавирустың қайта өршуіне байланысты, жарысқа келген жаттықтырушылар, спортшылар, ресми делегация өкілдері, төрешілер ПТР тест тапсырған.
Айта кетейік, бұған дейін Александр Асанов атындағы клубта 2009, 2013, 2015, 2019 жылдары Азия чемпионаттары, 2014 жылы стенд ату бойынша Әлем Кубогының (ISSF) кезеңі өткен болатын.
