Жоспарға сәйкес, үйірлі шегірткелерге – 1 650 700 гектар, ал саяқ шегірткелерге – 150 990 гектар жер бақылауға алынған. Ағымдағы маусымда оның ішінде 873 460 гектарға тексеру жұмыстары жүргізілуі тиіс.
Мониторинг нәтижесінде бірқатар өңірлерде шегірткелердің жаппай таралуы және экономикалық зияндылық шегінен (ЭЗШ) асқан жағдайлар анықталды. Осыған орай, барлығы 113 997 гектар аумаққа химиялық өңдеу жоспарланған.
Үйірлі шегірткелерге қарсы өңдеу жұмыстары республикалық бюджет қаражатымен қаржыландырылуда. Бүгінгі таңда:
63 438 гектар аумақта химиялық өңдеу жүргізіледі;
Оның ішінде итальяндық прус – 46 755 га, азиялық шегіртке – 16 683 га жер қамтылған.
Саяқ шегірткелерге қарсы шараларға жергілікті бюджеттен 349,9 млн теңге бөлінген. 50 559 гектар алқапқа өңдеу жоспарланған, оның ішінде:
Аса жеңіл авиациямен – 28 027 га,
Жер үсті техникасымен – 22 532 га жер өңделуде.
Іске тартылған күштер
Химиялық өңдеу жұмыстарына «ЗаРаГранд» және «AVIASILA» ЖШС-тері тартылған. Іске:
15 жер үсті бүріккіш техника,
1 жеңіл ұшақ,
5 аса жеңіл әуе кемесі,
2 дрон,
«Фитосанитария» РММ-нің 4 арнайы техникасы жұмылдырылған.
Барлығы 201 адам және 46 автокөлік іске тартылды. Мониторинг жұмыстарын 74 маман (53 тұрақты, 21 уақытша), сондай-ақ 103 уақытша жұмысшы жүргізуде.
Ағымдағы нәтижелер
9 маусымға дейінгі мәліметтер бойынша:
552 771 гектар жерге мониторинг жүргізілді;
Итальяндық прус: 377 149 га (таралғаны – 37 671 га, ЭЗШ асқаны – 24 316 га);
Азиялық шегіртке: 123 100 га (таралғаны – 8 850 га, ЭЗШ асқаны – 7 340 га);
Саяқ шегіртке: 52 522 га (таралғаны – 46 575 га, ЭЗШ асқаны – 43 038 га).
Қазіргі таңда 62 103 гектар жер өңделіп, бұл жоспардың 54,5%-ын құрайды:
Итальяндық прус – 21 129 га (45,2%);
Азиялық шегіртке – 6 198 га (37,2%);
Саяқ шегіртке – 34 776 га (68,8%).
Аудандардағы жұмыстар
Өңірлер бойынша шегірткеге қарсы өңдеу жұмыстары мынадай нәтижелер көрсетуде:
| Аудан / Қала | Тексерілген аумақ (га) | ЭЗШ асқан (га) | Өңделген аумақ (га) |
|---|---|---|---|
| Еңбекшіқазақ | 6 755 | 5 955 | 5 955 |
| Жамбыл | 4 530 | — | 4 000 |
| Талғар | 1 760 | — | 1 220 |
| Ұйғыр | 5 253 | 3 508 | 3 508 |
| Қонаев қаласы | 2 850 | 2 450 | 2 450 |
| Балқаш | 7 930 | 5 410 | 4 020 |
| Іле | 11 214 | 9 014 | 8 300 |
| Қарасай | 2 010 | — | 1 800 |
| Кеген | 2 240 | 2 130 | Өңдеу 29 мамырдан басталды |
| Райымбек | 7 730 | 7 415 | 4 123 |
Алматы облысында аса қауіпті зиянкестерге қарсы күрес жүйелі және қатаң бақылаумен жүргізілуде. Қазіргі шаралар ауыл шаруашылығы алқаптарын қорғауға, өнім сапасы мен көлемін сақтауға бағытталған. Жұмыстар күнделікті бақылауда ұсталып, маусым соңына дейін толық көлемде жүзеге асыру жоспарланып отыр.
