«Панфилов ауданының Табиғатты қорғау полициясының қызметкерлері жедел алдын алу іс-шарасын өткізу барысында бекіренің (осетр) заңсыз аулау дерегін анықтады. Жедел ақпаратты тексеру барысында, Іле өзенінің жағасында қармақты пайдаланып, жойылып кету қаупі төнген балықты аулаған Панфилов ауданының 59 жастағы тұрғыны ұсталды», – деп атап өтті Алматы облысы ПД Табиғатты қорғау полициясының инспекторы Бағлан Рымжанов.
Бүгінгі таңда күдіктіге қатысты ҚР ҚК 339-бабы 1-тармағы (сирек кездесетiн және құрып кету қаупi төнген, сондай-ақ пайдалануға тыйым салынған түрлерін аулау) бойынша қылмыстық іс қозғалды.
