Ведомство мамандары биыл 522 рейдтік шара ұйымдастырып, табиғат қорғау заңнамасы бұзылуының 255 дерегін анықтады.
Балқаш – Алакөл облысаралық бассейндік балық шаруашылығы инспекциясы мамандарының мәліметінше, биылғы жылдың алғашқы жарты жылдығында заңсыз балық аулаған 74 жеке тұлға әкімшілік жауапкершілікке тартылған.
15 қылмыстық іс сотқа жөнелтіліп, 6 адамға қатысты үкім шықты. Заң бұзушыларға 6 миллион теңгедей айыппұл салынған.
«Бірінші жартыжылдықтың қорытындысы бойынша заң бұзушылардан мемлекет пайдасына 6 мың тоннаға жуық балық, 94 балық аулауға тыйым салынған аулау құралдары және 12 қайық тәркіленді», — дейді инспекциясы басшысының орынбасары Ринат Кумашев.
Айта кету керек, қазіргі уақытта балық ресурстарына келтірілген залал үшін 25 миллион теңгеден астам сомаға талап арыз берілген.
