Кездесу барысында ол 2025 жылы агроөнеркәсіп кешенінде атқарылған жұмыстардың нәтижелеріне тоқталып, саланың негізгі көрсеткіштерін баяндады. Сонымен қатар, 2026 жылға арналған жоспарларды таныстырып, негізгі басымдықтары талқыланды.
Баяндамасында спикер ауыл шаруашылығы өндірісін арттыру, мемлекеттік қолдау шаралары, инвестициялық жобалар мен аграрлық секторды жаңғырту бағытындағы жұмыстарға ерекше назар аударды. Сондай-ақ ауыл шаруашылығы өнімдерінің көлемін ұлғайту, өңдеу саласын дамыту және шаруаларға көрсетілетін қолдау тетіктерін жетілдіру жөніндегі жоспарлар айтылды.
Кездесу барысында Қоғамдық кеңес мүшелері баяндамаға қатысты өз сұрақтарын қойып, саладағы өзекті мәселелерді көтерді.
Димаш Сыдықов көтерілген сұрақтарға тұщымды жауап беріп, айтылған ұсыныстар мен пікірлердің алдағы жұмыс барысында ескерілетінін атап өтті.
2026 жылы аграрлық секторды дамыту, өндіріс көлемін арттыру және ауыл шаруашылығы өнімдерінің бәсекеге қабілеттілігін күшейту бағытындағы жұмыстар жалғасады.
Қоғамдық кеңес мүшелері спикердің есебін бірауыздан қолдап, жоғары баға берді.
