Халықты қолжетімді тұрғын үймен қамтамасыз ету – өзекті мәселенің бірі. Өткен жылы Кеген ауылында 36 жеке жалдамалы үй салынды, оның 14-і көпбалалы және әлеуметтік осал отбасыларға берілді. Биыл Кеген ауданында 2,6 мың шаршы метр беріледі, бұл облыс үлесінен небәрі 0,4 пайыз, ал облыс бойынша 722,3 шаршы метр.
Биылғы жарты жылдың қорытындысы бойынша халық қаражаты есебінен 1,3 мың шаршы метр тұрғын үй салынды. Бюджет қаражаты есебінен Кеген ауылында 490 млн. теңгеге 20 жалдамалы тұрғын үйлердің құрылысы жүргізіліп жатыр. Келесі жылы аяқталып, пайдалануға беріледі. Облыс әкімі Марат Сұлтанғазиев аталған жұмысты жандандырып, тұрғындарды баспанамен көбірек қамтамасыз ету жөнінде Кеген ауданы әкіміне бірқатар тапсырмалар берді.
