«Мемлекет басшысының тапсырмасымен биыл қыркүйек айынан бастап әр отбасының цифрлық картасын жүйеге енгізу басталды. Аталған жүйе бойынша 1,5 жасқа дейінгі баласы бар отбасы баланың дүниеге келгеніне байланысты жәрдемақы алуға құқылы. Ал кәмелетке толмаған 4 баласы бар отбасы 1 жасқа дейін ай сайынғы жәрдемақы алуына болады», — деді департамент басшысы.
Оның айтуынша, Қазақстан бойынша 500 000 ата-ана жәрдемақы алса, оның 30 000 жуығы Алматы облысының тұрғындары.
«Отбасының цифрлық картасын енгізу жәрдемақыға өтініш бермей-ақ әлеуметтік төлем алуға мүмкіндік береді. Еңбек және әлеуметтік қорғау министрлігі тіркеуінде тұрған адамдарға СМС-хабарлама жолданады. Хабарлама арқылы кез келген отбасы жәрдемақы алуға, келісуіне немесе бас тартуына болады», — деді Айдынжан Нарматов.
Сондай-ақ ол жәрдемақы жұмыс істейтін және жұмыссыз ата-аналарға да тағайындалатынын атап өтті.
Айдынжан Нарматовтың сөзіне сүйенсек, осы әлеуметтік төлемге үміткер ата-ананың еңбек өтілі неғұрлым көп болса, соғұрлым жәрдемақы көлемі көбейеді. Және бұл төлем түрі табыстың 40% құрайды.
