Бірінші жарты жылдықтың қорытындысы бойынша, сыбайлас жемқорлыққа қарсы іс-қимыл агенттігінің Алматы облысы бойынша департаментімен 159 қылмыстық құқықбұзушылық анықталған.
Оның ішінде 65%-дан астамы (104 құқықбұзушылық) жемқорлық қылмысымен байланысты. Парақорлық бойынша 78 қылмыс тіркелсе, жымқыру фактісі 37 деректі құраған.
Ведомствоның мәліметіне сәйкес, жемқорлық қылмысына барғаны үшін өңірде 66 адам қылмыстық жауапкершілікке тартылған. Оның ішінде 16 адам әртүрлі дәрежедегі бірінші басшылар.
Еске салсақ, бұдан бұрын Алматы облысының шенеуніктері пара алудан көш бастап тұрғанын жазған болатынбыз.
