Ол 2013 жылдың наурыз айынан бастап Рим-католик шіркеуін басқарған еді.
Рим папасының қайтыс болғанын кардинал Кевин Фаррелл хабарлады. Оның мәлімдемесін Vatican News порталы таратты:
«Қымбатты бауырлар мен әпкелер,
Рим папасы Францисктің қайтыс болғанын терең қайғымен хабарлаймын. Бүгін таңғы сағат 7:35-те (Мәскеу уақытымен 8:45) Рим епископы Франциск Мәңгілік Әкеге қайтты. Оның бүкіл өмірі Құдай мен Оның шіркеуіне қызмет етуге арналды. Ол бізге Інжіл құндылықтарымен адалдықпен, батылдықпен және баршаға деген сүйіспеншілікпен өмір сүруді үйретті, әсіресе кедейлер мен қоғам шетінде қалғандарға ерекше көңіл бөлді.
Иса Мәсіхтің адал шәкірті ретінде қалдырған өнегесі үшін зор алғыс білдіре отырып, Папа Францисктің жанын Шексіз мейірімділік Иесі, Үшқұдайлы Құдайдың қолына тапсырамыз», — делінген мәлімдемеде.
