Синоптиктер 24-26 қыркүйекке арналған ауа райы болжамын ұсынды, деп хабарлайды alataunews.kz.
Алдағы күндері атмосфералық фронттардың өтуіне байланысты елдің солтүстігі мен шығысында, ал 26 қыркүйекте оңтүстік-шығыстағы таулы аймақтарда жаңбыр жауып, ол қарға ұласуы мүмкін. Түнде ауа температурасы 2-7 градусқа дейін төмендеп, аяз болады деп болжануда. Қалған аймақтарда Солтүстік-Батыс антициклонының әсерінен жауын-шашынсыз ауа райы сақталады. Республика бойынша желдің күшеюі күтіліп, түнгі және таңертеңгі сағаттарда солтүстік, солтүстік-батыс және шығыс өңірлерінде тұман түсуі ықтимал.
Күндізгі ауа температурасы: батыс аймақтарда +18…+26°C, солтүстікте және шығыста +5…+10°C, орталықта +7…+15°C, оңтүстікте +12…+20°C, таулы аймақтарда +2…+10°C шамасында болады.
