Бүгін Үлкен ауылдық округіндегі №332 референдум учаскесі өз жұмысын бастады, деп хабарлайды alataunews.kz.
Ауылдың 150 ден астам тұрғыны бір уақытта дауыс беріп белсенділік танытуда.
Таң азанымен ауыл халқы соңғы жаңалықтарды талқылап, өз ойларын ортаға сала бастады. Солардың бірі – жеке кәсіпкер Рахима Қайырбекова.
– Бүгінгі референдумның маңызы зор. Өйткені бұл – елдің болашағына қатысты шешімдерді халықтың өзі қабылдайтын сәт. Әрбір дауыс берушінің таңдауы маңызды. Біз өз таңдауымыз арқылы мемлекетіміздің дамуына үлес қосамыз. Бүгінгі референдумға қатысуға менің азаматтық борышым түрткі болды. Халықтың таңдауын елемеу дұрыс емес деп ойлаймын. Өз болашағымызға немқұрайлы қарамауымыз керек, – деді ол.
Аудан бойынша 77 референдум учаскесі бар. Барлығы қазір жұмыс істеп, сайлаушыларды қабылдауда.
