«Әлеуметтік медициналық сақтандыру қоры» КЕАҚ Алматы облыстық филиалының мәліметінше, оның денесінің шамамен 35 пайызы күйіп, беті, мойны, кеудесі, екі қолы мен аяқтары жарақаттанған. Сонымен қатар жоғарғы тыныс жолдары зақымданып, барожарақат алғаны анықталды.
Алдын ала мәлімет бойынша, жарақат тұрмыстық жағдайда орын алған. Ер адамның үйінде газ баллоны жарылып, ол бір сәтте ауыр жарақатқа душар болды.
Дәрігерлер науқастың өмірі үшін бір секунд та жоғалтпай күресті. Алдымен реанимация бөлімінде тынысын тұрақтандырып, ауырсынуын басу, инфузиялық және уытсыздандыру терапиясы жасалды. Кейін жағдайы жақсарған соң травматология бөліміне ауыстырылып, емді травматологтар мен комбустиолог жалғастырды. Сондай-ақ реаниматологтар да белсенді түрде атсалысты.
Науқасқа хаттамаға сәйкес кешенді ем жүргізілді: күйік беттерін өңдеу, антибиотиктер мен анальгетиктер тағайындау, тұрақты бақылау және тыныс алу функциясын қолдау.
Талғар аудандық ауруханасының медициналық персоналының үйлесімді жұмысының және міндетті әлеуметтік медициналық сақтандыру жүйесі аясындағы емнің арқасында ер адам үш аптадан кейін қанағаттанарлық жағдайда үйіне шығарылды.
