Қазіргі уақытта, аудан бойынша ауыл шаруашылығы машиналарының 47,5 пайызы, яғни 1262 бірлік техника ескірген.
Бұл жағдайды шешу үшін биылғы жылы ауданға жаңа техникалар алына бастады. Жыл басынан бері 861 миллион теңгеге 20 жаңа техника сатып алынған. Оның ішінде 14 бірлігі лизинг арқылы алынып, жалпы құны 564,6 миллион теңгені құрады.
Дегенмен, бұл көрсеткіш жылдық жоспардың тек 38,5 пайызын ғана қамтып отыр. Жоспар бойынша ауданға 52 жаңа техника жеткізілуі тиіс.
Мамандардың айтуынша, техника паркінің жаңаруы ауыл шаруашылығының өнімділігін арттырып, еңбек тиімділігін көтеруге мүмкіндік береді.
