Талғар ауданы бойынша барлығы 11 ауданішілік автобус бағыттары бар. Бүгінгі күнде жолаушыларды тасымалдаушы «Тұлпар Экспресс-А» серіктестігі 5 су жаңа автобус сатып алды.
Талғар ауданының әкімі Танат Айдарбеков автобустарды көріп, тексерді.
Биыл Талғар ауданының жолаушылар көлігі, автомобиль жолдары бөлімі мен компанияның келісім шартына сәйкес, автобустарды 25 пайызға жаңарту көзделген. Ал 2024 жылы 25%, 2025 жылы 35%, 2026 жылы 15%-ға жаңарту жоспарланған.
2022 жылдың тамыз айынан Талғар ауданы мен қалада ауданішілік №1, 2, 5, 6, 7, 8, 215, 218 қоғамдық көліктерінде «ALEMPAY» ЖШС-нің электрондық билет жүйелері орнатылған.
