Жедел жәрдем станциясына баласының кәмпитке тұншығып, өлім аузында жатқанын айтып, анасы шұғыл көмекке жүгінген.
Жедел жәрдем бригадасы келгенге дейін қызметкер телефон арқылы қандай әрекеттер жасау керектігін нұсқап отырды.
Дәрігерлердің айтуынша, кішкентай балалар арасында қақалып қалу жиі кездеседі. Тіпті қағаздың өзіне тұншығып қалуы мүмкін. Көбінесе балалар ойыншықтың бөлшектерін, түйме, тиын жұтып қояды.
«Мен дер кезінде көмектесе алғаныма өте қуаныштымын», — дейді Ақниет Владимирова.
