Естеріңізге сала кетейік, аудан тұрғындарының «Сигма-ГАЗ» ЖШС-нің тауарлық газға бөлшек саудада сатудың жоғары бағалары туралы шағымдарынан кейін департамент 2021 жылғы 1 қыркүйектен бастап 2023 жылғы 17 қаңтарға дейінгі кезеңде компанияның қызметіне жоспардан тыс тексеру жүргізді.
Тауарлық газды тасымалдау бойынша тарифтердің негізділігі, сондай-ақ тұтынушылар үшін тауарлық газды сатуға арналған бөлшек бағалардың баға белгілеу тәртібінің сақталуы тексерілді. Анықталған заң бұзушылықтардың нәтижелері бойынша «Сигма-ГАЗ» ЖШС-не жалпы сомасы 2 млн теңгеден астам айыппұл салды, сондай-ақ газбен жабдықтау қызметтерінің тарифтері мен бағаларын қайта қарау үшін уәкілетті органға өтінімдермен жүгінуге бұйрық берді.
Мәселен, ақпан айында «Сигма-ГАЗ» ЖШС ДРЕМ-ге газ тасымалдау тарифін және тауарлық газдың бөлшек сауда бағасын қайта қарауға өтінімдер берді, наурыз айының басында барлық мүдделі тұлғалардың, оның ішінде тұтынушылардың қатысуымен жария тыңдаулар өткізілді. «Сигма-ГАЗ» ЖШС, Алматы облысы бойынша өтінімдер шығындарының баптарын мұқият талдау нәтижесінде 2023 жылғы 10 наурызда тауарлық газды газ тарату құбырлары арқылы тасымалдау тарифін 7300,94 теңгеден 3136,38 теңгеге/1000м3 (ҚҚС-пен) немесе 57,04%-ға, яғни 4164,56 теңгеге/1000м3 (ҚҚС-пен) төмендетті.
Жабдықтау үстемесі үшін 28 945,22 теңге/1000 текше метр (ҚҚС-пен) мөлшерінде, оның ішінде 2023 жылғы 1 сәуірден бастап қолданысқа енгізіле отырып, тұтынушылар топтары бойынша негізделген шекті баға бекітілді:
- тұрмыстық тұтынушылар үшін – 34 755,5-тен 28 945,22-ге дейін төмендету, 16,7% яғни 5810,28 теңгені құрады;
- өзге де заңды тұлғалар мен бюджеттік ұйымдар үшін 34 755,5-тен 32 106,15-ке дейін, төмендету 7,6%, яғни 2649,35 теңгені құрады;
- мемлекеттік атаулы әлеуметтік көмек және тұрғын үй көмегін алатын тұрмыстық тұтынушылар үшін – 34 755,5-тен 23 156,18-ге дейін, төмендету 33,37% яғни 11 599,32 теңгені құрады.
